Lajmi se futbollisti i Interit Alexis Sanchez rezultoi anemik, ka shqetësuar fansat e tij por edhe mjekët e klubit zikaltër.
Nga disa analiza të kryera së fundmi, gjatë grumbullimit me kombëtaren e Kilit, u vu re problem shëndetësor, duke bërë që të ndizet fillimisht alarmi.
Stafi mjekësor i klubit italian është vendosur menjëherë në dijeni të situatës teksa për Sanchez duhet një trajtim i veçantë në regjimin ushqimor.
Kileni vuan në fushë pasi ndjen lodhje të papritur dhe e ka të pamundur të vrapojë me ritmin normal të një ndeshje të nivelit të lartë.
Megjithatë, te Inter nuk ka vend për shumë shqetësim, me stafin mjekësor të bindur që falë një diete të veçantë mund të bëjnë që 34-vjeçari ta kalojë këtë moment të vështirë.
Discussion about this post