Aventura e Angel Di Marias me fanellën e Juventusit me shumë gjasa do të përfundojë pas ndeshjes së fundit të Bianconerëve në Serie A në Udinese. Argjentinasi, në përvojën e tij në Torino, bëri 39 paraqitje të përgjithshme në të gjitha garat, duke shënuar 8 gola dhe 7 asistime.
Në vitin e tij me fanellën bardh e zi, Fideo zbuloi se i bëri përshtypje veçanërisht Nicolò Fagioli, i cili pati rritje eksponenciale këtë vit, duke fituar, ndër të tjera, çmimin për më të mirën U-23 në Serie A.
Di Maria, duke folur për ambientimin e tij në Torino dhe marrëdhënien me shokët e tij, në fakt kishte deklaruar: “Lojtari që më befasoi më shumë është Fagioli. Ai është një futbollist i madh me një të ardhme të ndritur përpara, më kujton Verrattin”.
Vetë futbollisti i lindur në 2001, ka falënderuar personalisht Fideon për mbështetjen e tij gjatë një viti të komplikuar për Bianconerët, me një dhuratë që shijon një lamtumirë.
Në fakt, Fagioli ia ka dhuruar Di Marias fanellën e këtij viti të kompletuar me një dedikim:
“Fide, ke qenë shembull në fushë dhe jashtë saj. Të dua”, me argjentinasin që ka postuar dhuratën në story-t e tij në Instagram duke u përgjigjur: Faleminderit shumë mik”, e ndjekur nga disa zemra bardh e zi./Tuttosport
Discussion about this post