Zjarri i cili përfshiu një ditë më parë kodrat me ullinj në Pilur të Himarës është riaktivizuar, ndërkohë që për shkak edhe të terrenit të vështirë sot ka nisur ndërhyrja nga ajri me helikopter.
Zjarri i ndihmuar edhe nga era, ka përparuar duke djegur shkurre e pemë që ndodhen në atë zonë, por duke u ngjitur edhe me lart në mal.
Nga mesdita e djeshme dhe në vijim forcat zjarrfikëse të Himarës, punonjës së Policisë dhe bashkisë së Himarës, por dhe emergjencat civile po luftojnë për shuarjen e zjarrit.
Terreni i vështirë e ka bërë të pamundur ndërhyrjen nga zona kodrinore dhe për këtë situatë është njoftuar dhe helikopteri, që këtë mëngjes nisi ndërhyrjen.
Discussion about this post