Avokati penalist Ndue Pjetra ka zbuluar detaje tronditëse rreth kampit Al-Hol në Siri, ku pak ditë më parë u arrit që të nxirrej që aty shqiptarja Eva Dumani, e rrëmbyer 12 vite më parë nga babai Xhihadist.
Pjetra tha se shteti shqiptar nuk mund t’i marrë përmes asnjë procesi ligjor shqiptarët që po qëndrojnë në kampin sirian.
Kjo pasi sipas avokatit, atje ekziston një ligj i shkruar, ose më saktë një kontratë e shkruar, ku thuhet se në momentin që kryefamiljari vritet në luftë, familjen e tij e merr një burrë tjetër, po aty brenda kampit
Pra më konkretisht, sipas avokatit, nëse kryefamiljari vritet në luftë, gruaja duhet të martohet me një ‘ushtar’ tjetër brenda kampit Al Hol.
Avokati vijoi më tej duke thënë se çdo aksion i policisë shqiptare për nxjerrjen e njerëzve nga kampi Al Hol në Siri, është më shumë një rrëmbim, sesa një aksion i mirëfilltë i mbështetur në ligj.
“Problemi është që shteti jonë nuk ka një bazë ligjore dhe as nuk e ka parashikuar në kodin penal një çështje të tillë. Kjo çështje ka ardhur si rezultat pas 1990 kur u bënë disa veprime, që filluan te Rruga e Kavajës me pantallona të shkurtra, ata persona që ishin të interesuar për luftën në Siri, i përzgjodhën këta persona dhe i çuan atje. Atje kishte një problem shumë të madh jo vetëm për të Shqipërisë, por edhe për shtete të tjera që merrnin pjesë në luftën e Sirisë.
Në momentin që kryefamiljari vritet në luftë, familjen e tij e merr një burrë tjetër, po aty. Dhe nuk lejohet me shkresë apo me asnjë lloj dokumenti që të kthehet në vendin e tij. Një kontratë e shkruar. Të gjitha veprimet që kryehen, janë veprime policeske që shteti ynë bën dhe janë më shumë rrëmbim sesa marrje. Pra nuk lejohet në asnjë mënyrë kthimi i tyre në anë ligjore. E vetmja gjë ka qenë ndërhyrja e rrugëve policeske e institucioneve shqiptare në bashkëpunim me insitucionet e huaja. Pra gjithçka bëhet në formë të fshehtë”, tha mes të tjerash avokati.
Kujtojmë se Eva Dumanin arriti ta nxjerrë ilegalisht nga Siria në Turqi daja i saj, ndërsa në Shqipëri u soll në një operacion ku u përfshi edhe Anti-terrori në Policinë e Shtetit.
E larguar nga atdheu në moshën 9 vjeçare, sot 21 vjeç, Eva humbi në Siri babain i cili u vra në luftë dhe gjyshen e cila shkoi ta merrte në kamp. Në vitin 2020, u kthye e vetme në Shqipëri në një operacion të vështirë riatdhesimi, vëllai i saj, Endri, në atë kohë 13 vjeç. /Report TV
gijotina.com/
Discussion about this post