Edhe pse duket se nuk ka më shpresa për një ribashkim mes tyre, fansat duan shumë që Donaldin dhe Borën ti shikojnë sërish së bashku.
Kjo vjen më shumë për shkak të situatës sesi kjo lidhje mori fund, duke mos fajësuar as aktorin e humorit, i cili ishte brenda shtëpisë së “Big Brother Vip” pa mundur të marrë asnjë informacion nga jashtë sesi moderatorja e ka pritur puthjen që ndodhi në spektakël apo dhe dhuratën që ai i bëri për përvjetor të lidhjes së tyre.
“Tani që e pashë se çfarë ka thënë, po ndihem keq…”-ishin këto fjalët e Donaldit kur pa videot se Bora po e priste jashtë “Big Brother VIP” teksa kishte nisur një lidhje me Beatrix Ramosaj.
Këto fjalë bënë që fansat e tyre të shpresonin për një ribashkim, shpresa këto që u forcuan akoma më shumë pas daljes së tij nga formati dhe ndarjes nga Beatrix.
Prej javësh në rrjetet sociale të dy marrin me mijëra komente nga njerëzit që të rikthehen bashkë. Për më tepër, Donaldi fshiu gjitha videot që kishte me Beatrix nga Instagrami pas ndarjes dhe la vetëm atë ku puth Borën dhe tjetër kur i hodhi një varse nga muri i shtëpisë për 3-vjetorin e lidhjes së tyre.
Gjatë gjithë kësaj kohe Donaldi ka qëndruar në heshtje duke mos folur as për ndarjen me Beatrix as për mundësitë e një rikthimi me Borën. E teksa fansat shpresojnë kjo e fundit duket se ua ka “thyer ëndrrat”.
Një video e postuar nga moderatorja në TikTok po interpretohet si një mesazh që rikthimi i tyre është i pamundur të ndodhë. Përmes një zëri fëmije ajo jep një mesazh që nga të gjithë u besua se është për Donaldin: ‘’Imagjino të më vijë ai kështu dhe unë ta shty t’i them jo s’dua’’, thotë Bora në video ku tregon një unazë dhe e ka fjalën për propozim, të cilin thotë se do ta refuzonte.
Menjëherë pas publikimit të videos fansat e lidhën me Donaldin. Komentues të shumtë i kanë bërë tag kurse të tjerë shkruajnë: ‘Donald left the chat’, ‘Diss Donaldit’, ‘Donaldi erdhi’ etj.
@borazemani??
Discussion about this post