“Riciklimi i Ramës”, Maqedonia parakalon Shqipërinë për heqjen e plastikës

Maqedonia e Veriut ka përjashtuar nga Ligji i ri për Menaxhimin e Mbetjeve, përdorimin e qeseve publike, duke sqaruar se nga 1 dhjetori këto qese do të duhet të jenë të gjitha të riciklueshme dhe do të blihen me 15 denarë.

Përdorimi i plastikës në masë është një problem global, të cilit sipas kryeministrit Rama do t’i përgjigjet edhe Shqipëria. Në shtator të këtij viti ai u shpreh se duke nisur nga 1 qershori i vitit të ardhshëm Shqipëria do të “çlirohet” nga përdorimi i qeseve plastike.

“1 qershori i ardhshëm, dita e fëmijëve do të jetë dhe çlirimi i Shqipërisë nga qeset plastike në emër të fëmijëve. Shqipëria nuk është një vend financiarisht i pasur, por nuk mund të jetë në asnjë mënyrë një vend i papastër. Kjo duhet dhe do të ndryshojë me çdo kusht. “, u shpreh Rama.

Ndonëse deklarata e tij ndryshe nga vendet e tjera, kërkon 9 muaj për t’u vënën në zbatim, ajo që bën diferencën e kësaj nisme mes Shqipërisë dhe vendeve të tjera, ku rasti më i afërt është ai i Maqedonisë së Veriut, kryeministri tonë i mungon një plan konkret për të vënë në jetë këtë ide.

Ndërkohë Maqedonia e Veriut ka parashtruar një plan mbi qeset plastike në treg. Inspektorët e tregut në vendin fqinj do të kontrollojnë nëse shiten qeset e biodegradueshme, nëse tregtarët mbajnë evidencë për numrin e qeseve të shitura sipas çmimit të përcaktuar prej 15 denarë. Gjobat për mosrespektim të ligjit sillen nga 1000 deri në 20000 euro, në varësi të madhësisë së kompanisë dhe llojit të shkeljes.

Gjithashtu në vendimin e qeverisë maqedonase theksohet se qeset plastike do të duhet të jenë të gjitha të riciklueshme, ndërsa Rama në fjalën e tij u shpreh se do të anulojë të gjitha lejet për grumbullimin dhe riciklimin e plastikës, duke lënë në pikëpyetje se çfarë strategjie do të ndjekë ai për të nxjerrë krejtësisht jashtë loje përdorimin e plastikës.

“Gjithashtu do të anulohen të gjitha lejet për të grumbulluar mbetjet me demek të riciklueshme kazan më kazan, duke nxjerrë nga kazanët mbeturinat e duke ndotur rrugët e duke bërë pirgje kuturu.”, u shpreh Rama.