Pasi iu la kohë palëve për tu njohur me aktet e dosjes, Gjykata Kushtetuese ka rifilluar seancën për zgjedhjet lokale të 30 qershorit.
Përfaqësuesja e Kuvendit, Mimoza Arbi në seancë thotë se kërkuesi nuk ka legjitimitet për kërkesën.
Në këtë rast, paditëse është Voltana Ademi me Shoqatën e Bashkive duke kërkuar shpalljen të paligjshme të zgjedhjeve lokale që opozita i bojkotoi dhe më pas i konsideroi si të njëanshme.
Po ashtu Arbi thotë se Gjykata Kushtetuese nuk ka juridiksion të shqyrtojë çështje që lidhen me proceset zgjedhore. Deri më tani në seancën që ka filluar prej paradites kanë folur avokati i Ademit, Jordan Daci, këshilltari i Presidentit, Bledar Dervishaj ndërkohë pas Kuvendit do të flasin përfaqësuesja e qeverisë, Avokati i Popullit, KQZ e Bindja Demokratike.
