Sot në orën 19:45 do të startojë sezoni 2021-2022 i Kategorisë Superiore, ku në fushë do të zbresin të parat skuadra e Teutës dhe Partizanit.
‘Elbasan Arena’ do të presë çeljen e siparit të sezonit të 83-të të këtij kampionati, ndërsa stadium ‘Niko Dovana’ në Durrës është në punim e sipër. Kjo përballje shihet edhe si supersfida e javës së parë duke ditur edhe rivalitetin e madh që ekziston midis këtyre dy skuadrave.
Ndërsa do testohen edhe ndryshimet e merkatos së verës, me kampionët ende në fuqi që kanë shumë largime dhe në të njëjtën kohë afrime të rëndësishme dhe Partizanin nga ana tjetër, që është duke i trembur skuadrat e tjera me emrat e bashkuar në ekip.
Dy trajnerët si Martini ashtu edhe Daja kanë dilemat e tyre për vendosjen në fushë, ndërsa asnjeri prej tyre nuk e ka grupin të plotë.
“Djemtë e Detit” do kenë mungesën e Lorenco Vilës dhe Hektor Idrizajt, të cilët duket se ende nuk janë në formë për të luajtur.
Ndërsa ‘Të kuqtë’ e kryeqytetit nuk do kenë në dispozicion Malën dhe Kaçe, të cilët sipas trajnerit Daja nuk kanë ende formën optimale.
Formacionet e mundshme:
Teuta: Qirko, Todorovski, Ivanovic, Selmani, Kotobelli, E. Vila, Daja, Aleksi, Kallaku, Plaku, Gorgiev
Trajner: Martini
Partizani: Hoxha, A. Marku, Belica, Damcevski, Musta, H. Marku, Murataj, Rrapaj, Cara, Cardoso, Junior
Trajner: Daja
Ndërkohë sot do të debutojë për herë të parë sistemi i VAR në vendin tonë./Gijotina.com
