Rihanna po largohet nga roli i drejtoreshës ekzekutive (CEO) në markën e saj të të brendshmeve, Savage X Fenty, pesë vjet pasi ajo e krijoi atë. Rihanna emëroi Hillary Super, ish-drejtoreshën ekzekutive të kompanisë amerikane Anthropologie Group, si CEO të re të sipërmarrjes së saj.
“Ishte bukur të shihje vizionin tonë për Savage X Fenty të ndikojë në industri në përmasa kaq të pabesueshme gjatë pesë viteve të fundit. Ky është vetëm fillimi për ne dhe ne do të vazhdojmë të zgjerohemi në mënyra që lidhen gjithmonë me konsumatorin. Jam shumë mirënjohëse dhe e emocionuar për të mirëpritur Hillary Super si CEO-në tonë të re – ajo është një lidere e fortë dhe është e fokusuar në ngritjen e biznesit në një nivel edhe më të lartë,” tha Rihanna në një deklaratë.
Kur Savage X Fenty u lançua në vitin 2018, linja e të brendshmeve u vlerësua për shumëllojshmërinë e produkteve të përshtatshme për çdo trup.
Pasuria neto e Rihanna-s vlerësohet mbi 1.4 miliardë dollarë.
Discussion about this post