Presidenti i Barcelonës Joan Laporta i ka habitur të gjithë me deklaratat e bëra së fundmi. Nga prezantimi i Dani Alves te Barça, kreu i klubit ‘Blaugrana’ u shpreh se braziliani është një lojtar me karakter.
“Dani përfaqëson shpirtin dhe karakterin”,– u shpreh ai.
I pyetur për një rikthim të mundshëm të Lionel Messit dhe Andres Iniestas te Barça, Laporta u shpreh se çdo gjë është e mundur.
“Unë nuk e përjashtoj këtë. Ka ndodhur me Danin. Dhe dua ta falënderoj sepse ai e ka parë situatën e klubit dhe dëshiron të vijë për të ndihmuar. Gjithashtu e falënderoj atë për një përpjekje ekonomike. Do mundohemi ta përmbysin këtë situatë, por tani ai ka bërë këtë përpjekje Është për t’u vlerësuar. Ata janë njerëz që e kanë bërë këtë klub të madh. Messi dhe Iniesta janë spektakolar, nuk mund ta parashikoj të ardhmen, ata ende luajnë, por ata e kanë bërë klubin shkëlqyeshëm, ne i mbajmë gjithmonë parasysh, megjithëse tani ata kanë një kontratë aktuale me klube të tjera dhe duhet ta respektoni atë, por në jetë nuk e dini kurrë,” -deklaroi ai./K.T/Gijotina.com
Discussion about this post