Reshjet e dendura të borës kanë shkaktuar vështirësi qarkullimi në qarkun e Korçës, ku trashësia e saj deri në 20 cm. Të gjitha akset janë të hapura, ku sipas ARRSH është punuar gjatë natës por ka favorizuar edhe fakti që gjatë reshjeve nuk ka pasur temperatura nën minus, duke e bërë më të lehtë punën e borëpastrueseve.
Probleme ditën e djeshme ka pasur me energjinë elektrike në njësinë administrative të Trebinjës. Ditën e sotme në njësinë administrative Proptisht kanë ngelur mbi 10 fshatra pa energji elektrike, ku është duke u punuar për riparimin e dëmtimeve.
Janë disa zona malore në juglindje të cilat kanë probleme të herëpashershme me shkëputjen e energjisë elektrike por edhe bllokimin e rrugëve, për shkak të terrenit të vështirë malor.
Më e vështirë është situata në qarkullimin normal të automjeteve në Mokër të Pogradecit, Panarit të Korçës, Moglicë e Gorë të Maliqit. Rrugët rurale janë duke u hapur nga punonjësit e pushtetit lokal, ndërkohë këshillohet kujdes i shtuar. Gjithë akset nacionale janë të hapura, pa probleme, është duke u bërë kriposja e rrugëve – këshillohen goma dimërore.
Gjithashtu, reshjet e borës të rëna gjatë natës në Malësinë e Krujës kanë bërë që në rrugën Krujë-Qafshtamë të krijohet prezencë akulli dhe nevojiten zinxhirë për të kaluar.
Ndërkohë gjatë natës një pjesë e madhe e qytetit por edhe disa fshatra të malësisë kanë qenë pa energji elektrike si pasojë dhe e erërave të forta që fryn gjatë natës, ndërsa tani situata është normalizuar.
Discussion about this post