Banorët e Drenës në Lepasoviç kanë bllokuar rrugën e cila të dërgon në këtë komunë pasi pretendojnë se policia e Kosovës në këtë fshat ka filluar të ndërtojë një bazë të re kufitare.
Sipas mediave serbe, banorët e Drenës, janë të vendosur që të bllokojnë në çdo mënyrë për të anuluar, siç thonë ata, vendimin e kundërligjshëm të autoriteteve të Prishtinës për ndërtimin e një baze në fshatin Zaselje.
Ky është mesazhi që po dërgohet edhe sot nga qytetarët e mbledhur, të cilët që nga mëngjesi i djeshëm ndodhen në vendin ku makineritë e rënda të mekanizuara kanë nisur zgjerimin e rrugës, e cila është përgatitje për ndërtimin e bazës së policisë kufitare.
Qytetarët thonë se nuk janë mjaftuar vetëm me faktin se punimet aktualisht janë ndërprerë dhe për këtë arsye janë ende në të njëjtin vend.
Discussion about this post