Rikthehen vdekjet nga Covid-19 në Shqipëri

Sipas të dhënave të publikuar nga Ministria e Shëndetësisë, rezulton se numri i të infektuarve me Covid-19 në vend është në rritje nga dita në ditë.

Ministria e Shëndetësisë bën me dije se nga 366 testime të kryera kanë rezultuar 90 qytetarë pozitiv me Covid-19. Rastet e reja janë shënuar në këto bashki: 59 në Tiranë, nga 5 qytetarë në Kavajë, Divjakë, Gramsh, nga 3 qytetarë në Patos, Vlorë, Kolonjë, nga 2 qytetarë në Durrës, Lushnje, nga 1 qytetar në Mirditë, Fier, Gjirokastër.

Ndërkohë, bëhet me dije se janë 1,825 pacientë aktivë me Covid-19 në të gjithë vendin. Aktualisht në spitalin COVID3 po marrin trajtim 17 pacientë. Në 24 orët e fundit ka një humbje jete me Sars-Cov2: një qytetar nga Tirana 72 vjeç i pavaksinuar. Janë shëruar 104 qytetarë gjatë 24 orëve të fundit, duke e çuar numrin e të shëruarve në 273,844 që nga fillimi i epidemisë.

Kujtojmë se, rastet e Covid-19 janë ulur në krahasim me një ditë më parë që kanë qenë 284 raste, për shkak të rritjes edhe të testimeve nga Ministria e Shëndetësisë. Ditën e djeshme numri i testimeve ka qenë më i lartë 827 testime. Ditën e djeshme nuk është regjistruar humbje jete.