Është rikthyer baraspesha në derbin e kryeqytetit. Skuadra e Partizani ka gjetur më në fund golin me anë të sulmuesit Zhunior.
Penalltia u fitua nga sulmuesi Tedi Cara pas duelit me Sidibe brenda zonës. Për gjyqtarin nuk pati dyshime, 11-metërsh për të kuqtë e Ilir Dajës. E konfirmoi edhe sistemi VAR.
Nga pika e bardhë sulmuesi Zhunior u tregua i saktë duke rikthyer baraspeshën. Partizani është në superioritet numerik dhe ka ende minuta në lojë për të tentuar fitoren që do të ishte e para për këtë sezon.
