Mbrëmjen e kësaj të marte rikthehet Liga e Kampioneve, me nëntë ndeshje të vlefshme për raundin e gjashtë.
Në këtë fazë hapat fals janë të ndalur dhe për këtë arsye, priten përballje shumë të luftuara. Një ndeshje interesante ëhstë padyshim ajo mes Atalantës dhe kampionëve në fuqi të Real Madrid.
Italianët janë skuadra më në formë e momentit në Evropë dhe synojnë të vazhdojnë me serinë e rezultateve pozitive. Në krahun tjetër, Reali është larg pritshmërive në Champions dhe fitorja është detyrim për ta, për të mos rrezikuar një eliminim të hershëm.
Përballje shumë e bukur dhe spektakolare do të jetë edhe ajo mes Bayer Leverkusen dhe Interit. Dy skuadra që kanë bërë shumë mirë deri tani, do të përballen mes tyre, në një sfidë që vlen për vendet e para në renditje.
I dënuar për fitore është edhe PSG, që përballet në transfertë me Salzburg. Një tjetër ndeshje pa fitore, do të komplikonte situatën te francezët, që po kalojnë momente shumë të vështira në Ligën e Kampioneve dhe janë shumë larg pritshërive.
Bayern Munich sfidon ukrainasit e Shakhtar Donetsk. Gjermanët vijnë si favoritë në këtë përballje, por fjalën e fundit do e thotë fusha e lojës.
Në Gjermani, Leipzig pret Aston Villan, në një takim që pritet të jetë u bukur, për shkak të lojës së hapur që bëjnë dy ekipet. Këto sfida do të luhen në orën 21:00, ndërsa më herët, në orën 18:45, do të luhen dy ndeshjet e tjetër, ku Liverpool sfidon spanjollët e Gironës, ndërsa Dinamo Zagreb pret Celtic.
Ndeshjet
18:45 Girona – Liverpool
18:45 Dinamo Zagreb – Celtic
21:00 Atalanta – Real Madrid
21:00 Bayer Leverkusen – Inter
21:00 Brest – PSV
21:00 Club Brugge – Sporting Lisbon
21:00 Leipzig – Aston Villa
21:00 Salzburg – PSG
21:00 Shakhtar Donetsk – Bayern Munich
Discussion about this post