Ditën e sotme do të vijohet me dy ndeshje shumë interesante të javës së 13 të Superligës. Teuta do të përballet me Kukësin, teksa Partizani me Dinamon.
Sfida e orën 16:45 do të zhvillohet në ‘Elbasan Arena’ me kampionët në fuqi që vijnë në këtë takim pas fitores ndaj Dinamos. Nga ana tjetër Verilindorët vijnë pas disfatës ndaj Laçit dhe do të tentojnë të marrin me patjetër 3 pikët.
Teuta renditet pas 12 ndeshjeve në vend të 5 me 17 pikë 10 më pak se vendi i parë që mbahet nga Tirana dhe i duhen me patjetër sa më shumë pikë, ndërsa Kukësi qëndron i dyti me 23 pikë dhe po tenton që të afrohet sa më shumë të mundet me ‘Bardheblutë’ e kryeqytetit.
Ndërsa ora 19:45 në ‘Air Albania’ do të luhet derbi midis Partizanit dhe Dinamos, një takim shumë interesant nga vetë fakti që ndeshen dy skuadra të kryeqytetit, por edhe sepse të dy ata vijnë nga disfata dhe sot do kërkojnë të marrin tre pikët.
Rikujtojmë se të dielën u ndeshën Kastrioti me Egnatian që përfundoi me rezultatin 1-0 dhe Vllaznia me Skënderbeun u mbyll me shifrat 2-0.
Ndeshjet e raundit të 13 të Superligës do të mbyllen të martë me takimin Laçi-Tirana që zhvillohet në orën 13:45 dhe që pritet të jetë shumë i luftuar nga të dyja anët./K.T/Gijotina.com
Discussion about this post