Barcelona është rikthyer e “frikshme” në kampionatin spanjoll. Skuadra e drejtuar nga Xavi Hernandez ka fituar në transfertë me goleadë 1-4 ndaj Valencias duke marrë kështu një 3 pikësh të rëndësishëm për zonën Champions.
Në 45 minutat e para Barcelona kreu një lojë perfekte ku duket mjaft qartë se Xavi ka injektuar modulin e lojës në kohën kur ai luant për Barçën. Pjesa e parë u mbyll me rezultatin e thellë 0-3, ku autorët e golave ishin Aubameyang dy herë dhe Frenkie de Jong.
Pjesa e dytë nisi me një gol të Valencias në minutën e 53-të me anë të Soler, por kjo nuk i shqetësoi aspak miqtë. Në minutën e 63-të Pedri realzion një gol fantastik nga distanca duke çuar rezultatin në 1-4. Barcelona ka qënë perfekte gjatë gjithë lojës duke zhvilluar një lojë të mrekullueshme.
Discussion about this post