Një lajm i mirë për kombëtaren shqiptare, por dhe skuadrën e Romës është rikthimi i Marash Kumbullës. Qendërmbrojtësi 23-vjeçar ka lënë pas dëmtimin dhe fazën e rikuperimit, ndërsa tashmë është i gatshëm për t’u rikthyer në fushën e lojës.
Sipas asaj që raportojnë mediat italiane, Kumbulla së bashku me mesfushorin Renato Sanches janë thirrur nga tekniku portugez dhe do të jenë të gatshëm për ndeshje ne fundjavës me Juventus.
Mbrojtësi kuqezi u dëmtua në 29 prill të këtij viti në sfidën ndaj Milanit, e që prej atëherë nuk ka mundur dot të rikthehet në fushën e lojës, teksa nuk ishte i gatshëm as në ndeshjet kualifikuese të Shqipërisë. Shtatlarti është stërvitur rregullisht gjatë ditëve të fundit dhe do të jetë menjëherë nën urdhrat e trajnerit Mourinho.
Edhe pse është kritikuar shpesh nga portugezi, situata në të cilën Roma gjendet, me shumë probleme në repartin difensiv, një lojtar cilësor është më se i nevojshëm.
Ky rikthim është një lajm i mirë dhe për Sylvinhon, që synon të ketë të gatshëm për kampionatin evropian, ku padyshim do ta kishte një aset në ekip, gjatë përballjeve me Italinë, Kroacinë dhe Spanjën. Duhet ende kohë deri në nisjen e këtij kompeticioni, duke shpresuar që futbollisti të mos pësojë më lëndime.
Discussion about this post