Liga Unike do të rikthehet në muajin tetor me tetë skuadra konkurruese nga Shqipëria dhe Kosova.
Kampionati për sezonin 2021-2022 do të nis në fund të muajit tjetër, ndërsa ditën e sotme u konfirmuan edhe skuadrat pjesëmarrëse.
Kosova do të përfaqësohet nga Golden Eagle Ylli, Prizreni-16, Rahoveci dhe Peja ndërsa Shqipëria do të ketë skuadrat e Vllaznisë, Kamzës, Tirana Neptun dhe Teutës.
Në ndryshim nga kampionati i kaluar, kur Liga Unike u mbajt në formën e turneut dhe triumfoi skuadra e Yllit, këtë herë ekipet do të garojnë për ta fituar titullin e kampionit.
“Në konkurrencën e meshkujve Liga Unike do të zhvillohet me sistem të dyfishtë vajtje-ardhje në edicionin 2021-2022. Pas përfundimit të 14 xhirove të rregullta në konkurrencën e meshkujve, vendet 1-2 kualifikohen direkt për ‘Final 4’, ndërsa vendet 3-6 dhe 4-5 luftojnë për vendin e tyre në ‘Final 4’ përmes dy ndeshjeve kualifikuese vajtje-ardhje, në të cilat takohen ekipet 3-6 dhe 4-5”, -thuhet në njoftimin e Ligës Unike.
Ndërsa rikujtojmë se para startimit të sezonit 2021-2022, do të mbahet Superkupa Mbarëkombëtare dhe të dyja këto kampionate do të mbahen në fillim të muajit tetor./K.T/Gijotina.com
