Magjia e Champions League rikthehet këtë të martë me raundin e pestë të fazës së Ligës.
Sot janë planifikuar që të luhen nëntë takimet e para të këtij raundit.
Në orën 18:45 do të nisin dy sfida Slovan Bratislava-Milan dhe Sparta Prague-Atletico Madrid, ndeshje ku do të zbresin në fushë disa lojtarë të Shqipërisë siç janë Qazim Laçi, Indrit Tuci si dhe dy lojtarë të Kosovës, Ermal Krasniqi dhe Albion Rrahmani.
Ndërkohë, në mbrëmje, në orën 21:00 do të luhen shtatë takimet e tjera.
Përballja më e fortë pritet të jetë ajo mes Bayern Munich dhe Paris Saint-Germain, e cila pritet të zhvillohet në Allianz Arena nga ora 21:00.
Ndeshje tjetër interesante do të jetë edhe ajo nmes Interit dhe RB Leipzigut dhe Sporting Lisbona-Arsenal.
Nga klubet tjera të mëdha, Milani luan në udhëtim te Slovan Bratislava, Atletico Madridi te Sparta Praga, Barcelona e pret Brestin dhe Manchester City që pret Feyenoord.
Takimet e fundit të ditës së sotme janë ato me Bayer Leverkusen-Salzburg dhe Young Boys-Atalanta.
Discussion about this post