Ditën e sotme do të rikthehen pas një pushimi të gjatë për shkak të kualifikueseve të Kombëtares, ndeshjet e Superligës.
Këto takime do të luhen në tre ditë, teksa dy sfidat e para për raundin e pestë të Superligës janë Kastrioti-Skënderbeu dhe Laçi-Egnatia që do të startojnë në orën 13:45 sot.
Takimi midis ekipit të Krujës dhe atij të Korçës do të zhvillohet në Kamëz, ndërsa ai midis kurbinasve dhe skuadrës së Rrogozhinës do të mbahet në qytetin e Laçit, pasi punimet në stadiumin e tyre kanë përfunduar.
E diela ka rezervuar dy takime të tjera në orën 16:45 në ‘Air Albania’ Partizani do të presë Kukësin, ndërsa në 19:45 në “Elbasan Arena”, do të mbahet sfida midis Teutës dhe Tiranës.
Takimi i fundi i kësaj javë është Vllaznia-Dinamo, që do të luhet ditën e hënë, në stadiumin “Loro Boriçi”, në orën 19:45./K.T/Gijotina.com
