Franco Lerda rikthehet pas 8 muajsh në pankinë. Ish-trajneri i Partizanit do të emërohet në stolin e Potenzas, skuadër që garon në Serie C.
56-vjeçari ka arritur marrëveshjen me drejtuesit e klubit dhe tani pritet vetëm firma mbi kontratë dhe zyrtarizimi i tij.
Shtypi sportiv italian shkruan se tekniku italian pritet të firmosë deri në verën e vitit 2025.
Lerda provoi një aventurë të shkurtër në Superiore, teksa drejtoi Partizanin në periudhën qershor 2019 – dhjetor 2019.
Duke regjistruar 22 ndeshje si trajneri i “Demave” në futbollin shqiptar. Ndërkohë që në shkurtin e këtij viti i dha fund eksperiencës me Crotonen.
Discussion about this post