Pas një mungese prej rreth 8 vitesh ditën e sotme do të luhet derbi midis Dinamos dhe Partizanit, i vlefshëm për javën e katërt të Abissnet Superiore.
Dinamo do të presë Partizanin në orën 19:45 në ‘Elbasan Arena’, në atë që pritet të jetë një takim shumë emocionues dhe që do zgjojë shumë interes.
Skuadra e trajnerit Ilir Daja deri më tani ka humbur një takim dhe ka marrë dy barazime, ndërsa ekipi i Blendi Shkëmbit vjen në këtë sfidë pas një fitoreje dhe dy barazimeve.
Rikujtojmë që këto dy skuadra janë përballur për herë të fundit në vitin 2013, kohë në të cilën të dyja ishin pjesë e Kategorisë së Parë, takim që u fitua nga Partizani me rezultatin 0-1.
Dinamo dhe Partizani janë përballur me njëri-tjetrin plot 135 herë dhe nga to ‘Të kuqtë’ numërojnë 49 fitore, ‘Blutë’ 41, ndërsa 45 herë derbi është mbyllur në barazim.
Formacionet e mundshme se si pritet të luajnë sonte:
Dinamo (4-3-1-2): Harizaj, Siljanovski, Sofranac, Imami, Isaevski, Samace, Demiri, Sidibe, Ibraimi, Mihana, Chinedu
Partizani (4-3-3): Hoxha, A. Marku, Shehi, Belica, Musta, Mala, Kaçe, H. Marku, Filipovic, Cara, Junior/K.T/Gijotina.com
