Federata Shqiptare e Basketbollit ka vendosur që të rikthejë Kupën e Federatës në sezonin 2021-2022.
Ky turne nuk zhvillohej në vendin tonë prej pesë vitesh tashmë, ndërsa është rikthyer në kalendarin e garave.
Ky turne do të jetë për të dyja kategoritë të femrave me datat 25-26 shtator dhe të meshkujve në datat 22-26 shtator. Ato do të zhvillohen të gjitha në Akademinë “Dhimitraq Goga” në Durrës.
Për kategorinë e femrave marrin pjesë vetëm katër skuadra Flamurtari, Partizani, Tirana dhe Studenti, që do të zhvillojnë direkt gjysmëfinale.
Ndërsa për kategorinë e meshkujve janë 6 skuadra: Tirana, Partizani, Dinamo, Vllaznia, Besëlidhja dhe Kamza Basket. Ata do të ndahen në dy grupe dhe në fund fituesi i secilit prej tyre do të përballet në finale me triumfuesin e grupit tjetër./K.T/Gijotina.com
