Pelikani kaçurrel është rikthyer sërish në habitatin e tij në liqenin e Prespës. Prej 3 muajsh ka qëndruar në qendrën e rehabilitimit të shpendëve të egër në Parkun Kombëtar të Karavastasë. U gjet i dëmtuar kohë më parë, e më pas grupet vullnetare bënë të mundur mjekimin e tij, pasi shihet si një ndër shpendët më të rrallë në vendin tonë, ku në total numërohen me qindra lloje. Gjuetia e paligjshme vijon të mbetet një problem serioz, i cili po zhduk shpendët në vendin tonë.
E njëjta situatë është raportuar edhe në lagunën e Nartës, në Vlorë ku shpendët e ndryshëm plagoseshin si pasojë e gjuetarëve. Shpeshherë është folur nga ana e organizatave për mbrojtjen e tyre, por kjo gjë nuk është arritur.
