Teksa qytetarët denoncojnë shërbimin urban në kryeqytet, bashkia injoron çdo ankesë të tyre, duke vendosur madje edhe kushte të reja për të përdorur transportin.
Në maj të këtij viti, bashkia vendosi që çdo qytetar që përdor shërbimin urban të Tiranës, të personalizonte me fotografi abonetë. Ky vendim u bojkotua, çka detyroi bashkinë ta anulonte.
Qytetarët aludojnë se përgjysmimi i kapaciteteve të urbanëve u bë në shkëmbim të rritjes më tej çmimin e biletave dhe aboneve dhe ja ku ndodhi, bashkia riktheu edhe njëherë rregullin e anuluar për personalizimin e aboneve.
Që nga data 1 Nëntor çdo abone do të jetë me një fotografi dhe me emrin e personit që do ta mbajë.
Këto janë rregullat e reja për abonetë të cilat tashmë kanë hyrë në fuqi. Këtë fund muaji në kioskat ku ato shiten është afishuar njoftimi për formatin e ri te dokumentit bashkë me te dhënat që duhet të kenë me vete qytetarët.
Duhen karta e identitetit dhe fotografi personale. Vendim ky qe ka ngjallur pakënaqësi.
“Nuk flet njeri nuk flet kush. Këtu vihet emri dhe karta e identitetit. Pse mos të udhëtojë djali dhe gruaja me këtë abone. Nuk ka funksion ndryshimet që bëhen. Populli është i varfër, rrogat janë mizerje.”- shprehen qytetarët.
Sipas udhëzimit, abonetë mund të blihen vetëm në kioskat pranë stacioneve të autobusëve dhe në asnjë pikë tjetër siç ndodhte dikur. Ligji për dokumentin e personalizuara është miratuar nga kuvendi në maj të këtij viti.
