Ditën e sotme do të rikthehen ndeshjet për fazën e 1/16 të Kupës së Shqipërisë. Këto ndeshje vijnë menjëherë pas përfundimit të kualifikueseve të tetorit të Kombëtares, ku e fundit ishte ajo të martës në mbrëmje kundër Polonisë, të cilën ‘Kuqezinjtë’ e humbën në shtëpi me rezultatin 0-1.
Ndërsa në këto ndeshje duket se shumë skuadra të Superligës e kanë të sigurt kalimin në fazën tjetër, pra Partizani, Teuta, Tirana e Skënderbeu që luajnë thjeshtë për formalitet.
Nga ana tjetër ndeshjet Kukësi-Maliqi dhe Vllaznia-Labëria kanë interes tjetër, pasi Verilindorët duhet të fitojnë medoemos në rast se duan të vijojnë rrugëtimin në Kupë pas barazimit 0-0 në ndeshjen e parë.
Vllaznia nga ana tjetër kërkon të përmbys disavantazhin 2-1 ndaj Labërisë dhe në “Loro Boriçi”, ‘Kuqeblutë’ janë më të favorizuar dhe fitorja është detyrim për djemtë e drejtuar nga Tomas Brdariç.
Teksa fundjava më pas do të sjellë edhe raundin e pestë të Superligës, duke e ngjeshur shumë kalendarin, gjë që do i bëjë trajnerit të mendojnë mirë se cilët lojtarë do hedhin në fushë sot.
Ndeshjet do të luhen të gjitha në të njëjtën kohë dhe do të fillojnë në orën 13:30./K.T/Gijotina.com
