Shefi i politikës së jashtme të Bashkimit Europian Josep Borrell ka deklaruar se Kosova dhe Serbia duhet të shtensionojnë situatën. Ai i bëri thirrje dy shteteve që t’i rikthehen dialogut dhe të kapërcejnë tendencën për të luftuar në rrugë.
“Ato duhet t’i kthehen dialogut, duhet ta kapërcejnë këtë tendencë për të luftuar në rrugë”, tha ai para një takimi të ministrave të Jashtëm të BE-së në Bruksel.
Kujtojmë se në veri të Kosovës – zonë e banuar me shumicë serbe – disa grupe serbësh vazhdojnë bllokimin e rrugëve për të tretën ditë me radhë.
Protestën e nxiti arrestimi i një ish-zyrtari serb të Policisë së Kosovës, të shtunën.
Dejan Pantiç u arrestua nën dyshimet për përfshirje në sulme kundër zyrtarëve të Komisionit Qendror të Zgjedhjeve në veri të Kosovës dhe atyre policorë.
Discussion about this post