Gazment Bardhi, deputet i PD-së, tha mbrëmjen e sotme në emisionin Open, se takimi i Lulzim Bashës me të rinjtë, është normal, dhe nuk e shoh me ndonjë prapaskenë.
Bardhi tha se rezultati i 14 majit kërkon pjekuri, nuk duhet të nxitohemi me deklarime, apo me komente, qoftë edhe me gjetjen e zgjidhjeve lidhur me Partinë Demokratike.
Ai u shpreh se propozimet e bëra nga Basha sot mbi vettingun në politikë nuk është asgjë e re, pasi ne kemi depozituar në Kuvend një inisiativë të tillë, që pritet të shqyrtohet. Bardhi tha se Basha takimin e sotëm e bëri me funksionin e një deputeti, duke theksuar se nuk është detyra e tij të shohë agjendat që kanë deputetët apo takimet që ato bëjnë.
“Unë nuk i di objektivat e Lulzim Bashës, di që PD është në një krizë dhe ka nevojë për zgjidhje. Akti i Lulzim Bashës duke u dorëhequr në mars të 2022 ishte një akt që të mos thellonte përçarjen”, tha Bardhi, duke shtuar se sot na duhet një frymë që na bashkon dhe jo që na thellon përçarjen.
Bardhi tha se nuk e sheh zgjidhjen të lidhur me emrin apo fytyrën e një individi, por i duhet një ekip që të na çojë drejt fitores.
Discussion about this post