Sopranoja shqiptare e njohur në botë, Ermonela Jaho kthehet në Shqipëri me një koncert për të mos u humbur. Koncerti do të mabhet më 4 gusht në Teatrin e Operas dhe Baletit dhe krah Jahos do të jetë edhe tenori amerikan Charles Castronovo.
Koncert i titulluar “Rikthimi i Dallëndyshes” i cili do të udhëhiqet nga dirigjenti Jacopo Sipari di Pescasseroli shënon rikthimin e sopranos së mirënjohur Jaho në atdhe.
“Krenaria jonë në çdo skenë ndërkombëtare lirike, Ermonela Jaho, pasi ka “shtegtuar” në mbarë botën, rikthehet aty ku nisi gjithçka: në Shqipëri. Më 4 gusht, në sallën e Teatrit Kombëtar të Operës dhe Baletit, së bashku me tenorin amerikan Charles Castronovo në një mbrëmje për të mos u humbur”, shkruan TKOB në Facebook.
Koncerti mbahet më 4 gusht, në ora 20:00, në Teatrin e Operas dhe Baletit- Tiranë. Biletat online mund të rezervohen në www.myticket.al.
gijotina.com/
Discussion about this post