Një nga pikat më kulminante të mbrëmjes së dytë të “Festivalit të Këngës”, e mbajtur mbrëmjen e djeshme në Pallatin e Kongreseve, ishte rikthimin në skenë i Elsa Lilës pas 25 vitesh. Pjesëmarrja e saj, që me shumë gjasë do jetë një prej pikave kulminante edhe të të gjithë eventit, u shoqërua me shumë zhurmë në media dhe sigurisht në rrjetet sociale, teksa u komentua kënga e saj, performanca dhe veshja, një risjellje e veshjes së saj nga shumë vite më parë në fakt.
Komentet për Elsën kanë qenë përgjithësisht pozitive, madje më shumë se kaq, duke marrë parasysh edhe rrezikun që mund të kishte rikthimi i artistes në skenën shqiptare pas ngjarjeve ku ka qenë e përfshirë së funmi, teksa “Evita”, kënga e saj konkuruese duket se është pëlqyer mjaft, ndërsa për zërin e Lilës dhe emocionet që dhuroi në skenë, nuk ka nevojë të flasim aspak sepse nuk besojmë se ka njeri dicka negative për të thënë.
Por si ishte reagimi i vetë artistes pas rikthimit në “Festival”? Shumë i thjeshtë. Me anë të një postimi në Instagram-in e saj, ku ka ndarë edhe disa momente nga “magjia” e mbrëmshme, Elsa falenderon publikun për të gjithë emocionin dhe dashurinë që i kanë dhuruar, teksa e quan pritjen e e tyre si “dhuratën më të bukur”.
Po ashtu ajo ka bërë me dije se do të jetë në skenë edhe mbrëmjen e sotme, në natën e tretë të Festivalit, ndryshe “Natën e Dueteve”, ku nuk do të mungojnë surprizat. Mezi presim të shohim me kë do të këndojë Elsa dhe nëse nuk është Pirro Cako do zhgënjehemi shumë.
Discussion about this post