Armando Broja i është bashkuar ditën e djeshme në stërvitje skuadrës së Southamton, duke i gëzuar të gjithë për rikthimin e tij në fushë.
Sulmuesi i Kombëtares shqiptare pritet që të luajë në ndeshjen e ekipit të tij kundër Aston Villas mbrëmjen e sotme në takimin e javës së 11 të Premier League që do të nisë në orën 21:00.
Trajneri i ekipit të yllit ‘Kuqezi’, Hasenhuttl bëri me dije në konferencën për mediat në prag të kësaj sfide se Broja do të jetë i gatshëm të luajë. Megjithatë duke ditur se ka qenë i dëmtuar dhe jashtë fushës së blertë në ndeshjet e fundit të Southampton ende nuk dihet a do i besohet roli i titullarit në këtë sfidë.
Skuadra e shqiptarit aktualisht renditet në vendin e 14 me 11 pikë, teksa kundërshtarët e tyre të mbrëmjes së sotme qëndrojnë një vend më poshtë me 10 pikë, ndaj fitorja e sotme është një domosdoshmëri.
Pasi në të kundërt në përfundim të këtij raundi Southampton rrezikon të zbresë në pozicione në rast se ekipet e tjera që ndodhen më poshtë ia dalin të marrin tre pikë./K.T/Gijotina.com
Discussion about this post