Sulmuesi brazilian i PSG, Neymar, i cili është dëmtuar në kyçin e këmbës së majtë që nga fundi i nëntorit, shpreson të rikthehet në garë më 6 shkurt, në kohë për t’u përballur me Lille. Neymar u dëmtua më 28 nëntor kundër Saint-Etienne, dhe ende nuk është kthyer në stërvitje me shokët e tij të skuadrës, por ai i ka vënë vetes synimin që të rikuperohet në kohë për ndeshjen kundër Lille.
“Neymar po ndjek planin e tij të rikuperimit” – tha trajneri Mauricio Pochettino, këtë të premte, në konferencën për shtyp para ndeshjes kundër Brest.
Ndërsa sa i përket Lionel Messit, i cili është ende duke u rikuperuar pas testit pozitiv për Covid-19, trajneri tha se është ende nën kontrollin e ekipit mjekësor.
“Leo është më i mirë, por ai është ende nën kontrollin e ekipit mjekësor. Shpresojmë që së shpejti të jeni me ne”- tha ai.
Discussion about this post