“Rilindja vodhi 12 miliardë euro”, Meta: Rama po zhyt vendin në tragjedi, shkatërroi financat

Kryetari i Partisë së Lirisë Ilir Meta me anë të një postimi në rrjetet sociale, shprehet se fatura e vjedhjes së Rilindjes shkon plot 12 miliardë euro. Meta thekson se Rama po zhyt vendin në tragjedi, duke shkatërruar financat publike e ata familjare.

Për Metën, Rama po çon Shqipërinë në situatë tragjike, duke rrënuar ekonominë.

Postimi i Metës:

Aferat korruptive të inceneratorëve, koncensioneve dhe PPP, Portit të Durrësit, rilindjes urbane, kostot e fryra të rrugëve dhe tenderat sekretë u kanë kushtuar shqiptarëve 12 miliardë euro, ndërsa kryehajduti Edi Rama ka miratuar një paketë të mbështetjes sociale që nuk i kalon 50 milionë euro për të përballuar krizën e çmimeve.