Kuvendi ka miratuar me 75 vota pro, 33 kundër dhe 1 abstenim aktin normativ për rimbursimin e çmimeve sa i takon kompanive të ndërtimit për materiale të caktuara ndërtimi të cilat i kanë blerë gjatë kësaj kohe me çmime më të shtrenjta.
Gjatë diskutimeve në kuvend, pati debate të shumta të cilat bazoheshin në dyshimet se kush do të bënte llogaritjen e faturave të cilat do të rimbursoheshin duke hedhur akuza mbi qeverinë se po favorizonte kompani të oligarkëve të ndërtimit.
Ky akt u kundërshtua në bllok nga opozita, e cila thotë se akt favorizon oligarkët që qëndrojnë pranë kryeministrit Edi Rama. Deputetët demokratë kërkuan që qeveria të bëjë publik listën e 300 kompanive që do të përfitojnë kompensim. Grida Duma akuzoi qeverinë se nuk janë 300 komani, por një grusht ndërtuesish që do të favorizohen nga qeveria, por ministrja Ibrahimaj tha se nuk është e vërtetë.
Demokratët insistuan që në këtë kohë krize, qeveria duhet të mbështesë kategori të tjera, si bizneset në nevojë e pensionistët, pasi nuk përballojnë dot rritjen e çmimeve dhe jo të favorizonte më të pasurit që tregun e kanë të siguruar.
Discussion about this post