Zv/ kryeministri Arben Ahmetaj në një dalje për mediat pas mbledhjes së qeverisë, ka deklaruar se do të kalojë në pronësi të qytetarëve apartamentet e rindërtuara nga tërmeti i 26 nëntorit 2019.
Përpara kryeministrisë, Ahmetaj tha se është detyrim i Bashkive që të fillojnë shortet publike dhe shpërndarjen.
“Sapo filloi procesi i kalimit të shkollave në pronësi të bashkive. Shkolla të rindërtuara, që u kalojnë bashkive për administrim në vazhdim. E dyta ky muaj do të shumë i rëndësishëm. Në vigjilje të dy vjetorit të asaj ngjarje të rëndë, tërmetit. Kemi procesuar për të kaluar në pronësi të plotë të qytetarëve shtëpi dhe apartamente. Si do të bëhet shpërndarja? Një është lista prioritare, ku trajtohen familjet me ndihmë ekonomike, gratë kryefamiljare dhe familjet e policëve të vrarë. Për këto familje shpërndarja bëhet me njëherë. Ndërsa për pjesën tjetër do të bëhet me short publik, edhe në ambiente të hapura madje. Është detyrim dhe përgjegjësi e bashkive që të fillojnë të organizojnë shortet publike, transparente për të shpërndarë apartamentet”, u shpreh Ahmetaj.
Zv.kryeministri tha se do të shpërndahen rreth 1050 apartamente, ndërsa dha fundin e shtatorit të vitit që vjen si datën e përfundimit të shpërndarjes.
