Në Njësinë Administrative në zonën e Bubqit të Bashkisë Krujë, është hedhur shorti ndarës i shtëpive për banorët që përfitojnë banesa të reja pas tërmetit tragjik të 26 nëntorit 2019.
Ndarja e banesave të reja është bërë me short publik, ku familjet do përzgjedhin në mënyrë transparente banesën e tyre sipas ndarjeve të caktuara për frymë 1+1, 2+1 dhe 3+1, të cilat janë apartamente dhe banesa individuale. Në njësinë Administrative Bubq shorti u hodh pranë Palestrës së Shkollës “Selman Daci”.
Nga Bubqi nis procesi i hedhjes së shortit, i cili në ditët e vazhdim do të vijojë edhe në Fushë Krujë dhe Thumanë. Më herët zv.kryeministri Arben Ahmetaj nuk ka dhënë një datë konkrete për përfundimin e rindërtimin, por është shprehur se me prioritet do të trajtohen familjet me ndihmë ekonomike, gratë kryefamiljare dhe familjet e policëve të vrarë.
Discussion about this post