Një numër më i madh i serbëve janë mbledhur sot para ndërtesës së Komunës së Zveçanit që para orës 07:00 të mëngjesit.
KFOR-i sot i ka përforcuar edhe masat mbrojtëse përreth objektit të komunës, duke vendosur dy rende telash me gjemba një mbi një.
Para protestuesve qëndrojnë telat rrethorë me gjemba, e më pas pjesëtarët e
KFOR-it me pajisjet e tyre.
Gjithsesi, situata për momentin është e qetë.
Së bashku me serbët e mbledhur, protestës këtë mëngjes i janë bashkuar edhe krerët e Listës Serbe, Goran Rakiç dhe Igor Simiç.
Nga protestat e dhunshme në tri ditët e kaluara janë lënduar 30 ushtarë të KFOR-it, janë provokuar gazetarët gjersa janë dëmtuar edhe veturat e mediave.
Discussion about this post