Pas 15 minutave pushim, Opozita nuk heq dorë dhe ka kërkuar që të ndërpritet sërish seanca plenare deri në momentin që në sallë të vijë kryeministri Rama.
Deputeti i PD-së, Luciano Boçi i ka kërkuar kryetares së Kuvendit që të ndërpresë seancën për rreth 1 orë dhe më pas të debatohet me prezencën e kryeministrit.
Debati mes Luciano Bocit dhe Lindita Nikollës:
Luciano Boçi: Ndërprisni sencën dalim më pas jashtë për një orë, ne kemi të drejtë ta shtyjmë seancën.
Lindita Nikolla: Kërkuat pushim dhe vendosëm 15 minuta kohë.
Luciano Boçi: Sipas “nenit 52” ne kemi të drejtë që të shtyjmë seancën deri sa të vijë kryeministri. Është minimumi që Rama mund të bëjë, të jetë prezent këtu.
Lindita Nikolla: Mos te përsërisim thelbin e të njëjtës çështje. Ramë dakord për të bërë pushim.
Luciano Boçi: Jo, jo nuk ramë fare dakord.
Opozita kërkon që kryeministri Rama të jetë i pranishëm në seancën plenare, në mënyrë të vijoj diskutimi.
