Kur i ka mbetur edhe një vit kontratë me fanellën e Liverpool, e ardhmja e Mohamed Salah me të kuqtë është gjithnjë e më shumë në pikëpyetje. Klubi dhe sulmuesi nuk po gjejnë gjuhën e përbashkët sa i takon rinovimit të kontratës.
Së fundmi, The Athletic ka zbuluar edhe pretendimet ekonomike të Salah, i cili sipas prestigjiozes amerikane kërkon plot 400.000 paund në javë.
Një shifër e cila shkon përtej mundësive të Liverpool. Megjithatë sulmuesi është i bindur se i meriton paratë, nisur nga paraqiitjet në fushë dhe në këtë formë kërkon nga klubi një përpjekje për t’ia plotësuar dëshirën.
Gjithsesi, deri më tani, drejtuesit e Liverpool nuk shkojnë më shumë një pagë javore prej 250.000 paundësh dhe mbetet për t’u parë nëse do ta krijojnë mundësinë për t’iu afruar shifrës që pretendon Salah.
Discussion about this post