Kryetari i Komisionit Qendror të Zgjedhjeve, Ilirjan Celibashi, ka deklaruar sot se nga verifikimet bëra ka rezultuar që, në 95% të kutive të rinumëruar ka pasur ndërhyrje dhe vjedhje, duke tjetërsuar votat e kandidatëve. Sipas tij, këto konkluzione tregojnë se komisionerët kanë shkelur rregullat dhe kanë ndërhyrë tek kutitë. Në një prononcim për mediet, ai shpjegoi se nga verifikimi i 10 përqind të kutive të votimit, rezulton se në 40 qendra votimi diferenca lëviz nga 10 në 20 vota, ndërsa në 19 qendra votimi rezultati lëviz me 80 vota. Sakaq, ai deklaroi se 20 komisionerë të dyshuar do të japin llogari për shkeljet e bëra.
“Dukshëm kemi të bëjmë me vepër penale, të cilat do ja adresojmë prokurorisë. Nga kryqëzimi i pajisjeve te identifikimit biometrik u konstatuan 1 mijë e 6 raste të dyshuara. 20 komisionerë do japin llogari para drejtësisë, pasi shenjtat e gishtërinjve i kane në dy qendra votimi”, tha ai.
Sakaq, kujtojmë se fleta e votimit ngatërroi shqiptaret me 25 Prill duke bërë që të zgjedhin jo vetëm kandidatin, por edhe subjektin e gabuar. 6 muaj pas mbylljes së procesit zgjedhor KQZ pati një përgjigje zyrtare për 80 mijë votat që rezultuan të pavlefshme në zgjedhjet parlamentare. Ndërsa opozita nga ana e saj vazhdon t’i mëshoj deklaratës së zgjedhjet janë manipuluar dhe në kuti kanë futur dorë komisionerët socialistë.
Discussion about this post