Rinumërimi i votave të 1 kutie, 63 vota të PDIU, i kishin kaluar PS-së

Rinumërimi i votave në KAS ka nxjerrë të tjera probleme lidhur me zgjedhjet e 14 majit përsa i takon shpërndarjes së votave për këshillat bashkiakë.

Kështu nga rinumërimi i votave të një kutie në Mallakastër rezultoi se socialistëve i ishin shtuar 63 vota, të cilat i përkisnin PDIU-së.

Kjo e fundit me votat që iu rikthyen ka plotësuar kuotën për të pasur dy anëtarë në Këshillin Bashkiak të Mallakastrës.

Në kutinë e rinumëruar rezultuan se PS kishte 97 vota, dhe në procesverbal ishin shënuar 161 vota.

Brenda në kuti votimi ishin 63 vota për PDIU-n, ndërsa në procesverbal nuk kishte asnjë votë.

Votat e PDIU-së i kishin kaluar PS-së në procesverbal, duke e lënë partinë pa mandat të dytë në Këshillin Bashkiak në këtë Bashki.