Deputeti i zgjedhur i Partisë Demokratike, Bledi Himçi kërkoi që të konstatohen siç duhet fletët e votimit nga rinumërimi për Bashkinë Peqin dhe Bashkinë Gramsh, pasi sipas tij fletët pa vulë kanë krijuar ‘trenin bullgar’.
Himçi bëri deklaratat paraditen e sotme nga Pallati i Sportit “Fahrie Hoti” në Tiranë, ku ka nisur procesi i rinumërimit të kutive të votimit nga zgjedhjet e 11 majit.
Himçi theksoi se manipulimi i votave është bërë nga fletët që rezultojnë pa asnjë vulë, pavarësishte se cilit kandidat i përkasin.
“S’ka rëndësi kandidati. Ja një fletë pa vulë fare dhe është quajtur e vlefshme me numrin 5. Pa vula. Kjo është pjesa e trenit bullgar. Po tentojnë t’i konstatojnë përsëri të vlefshme. Normalisht duhej të bëhej korrigjimi edhe i tabelës, por jo vetëm i tabelës. Duhet bërë edhe konstatimi për pavlefshmëri të kësaj kutie. Për sa kohë këtu futet një fletë bosh e cila e cila ka krijuar ‘trenin bullgar’ dhe shikoni edhe rezultatin e kësaj qendre. Ky është një proces që nuk e kemi konstatuar nga pamjet filmike. Po e rishikojmë dhe këtu është një sjellje skandaloze”, tha Himçi.
U mësua se në këtë qendër votimi rezultati që gjendet ne procesverbalet zgjedhore është shumë i thellë në favor të Rilindjes. Ne qendrën 22/49 rezultati i certifikuar: PS- 76.88 % dhe PD: 7.50 %.
Discussion about this post