Sot është dita e tretë e rinumërimit për qarkun e Tiranës. Procesi nis në orën 09:00.
Deri më tani janë hapur 218 kuti nga 1282 në total, ku janë konstatuar tjetërsime të votave. Deri tani rezulton se Partisë Demokratike i janë shtuar padrejtësisht 106 vota, ndërsa PS-së 108 vota. një masë më të vogël në numërimin e parë kanë përfituar edhe Lëvizja Bashkë e cila ka marrë padrejtësisht 9 vota, koalicioni Nisma Shqipëria Bëhet 11 vota, PSD 5 vota dhe Partia Mundësia 1 votë.
Për sa u takon kandidatëve Ilir Alimehmetit të PD i zbriten 20 vota të pamerituara, 9 Jorida Tabakut dhe 13 Ilir Metës. As në kampin e PS nuk ka ndryshim. Nga rinumërimi, Olta Xhaçkës i janë zbritur 14 vota ndërsa Gjylametit 1.
Më së shumti kanë përfituar vota të pamerituara dy partitë e mëdha, të cilat kanë pasur edhe anëtarë në çdo tavolinë të numërimit gjatë procesit të 11 majit.
Ndërkohë nga numëruesit janë penalizuar Partia e Lulzim Bashës që i mungojnë 6 vota, Koalicioni Djathtas për Zhvillim i Dashamir Shehit që i mungojnë 3 vota, PAKSH 1 votë dhe Lëvizja Atdheu 1 votë.
gijotina.com/
Discussion about this post