Komisioni i Ankimimeve dhe Sanksioneve (KAS) nisi të mërkurën rinumërimin e 44 kutive të votimit në Qarkun e Dibrës, si pjesë e shqyrtimit të ankesave të paraqitura nga opozita pas zgjedhjeve të 11 majit.
Objekt i kërkesës ankimore të bërë nga kandidatët e PD në KAS ishte verifikimi i votave preferenciale të kandidatëve brenda listës së PD-ASHM, për të parë nëse ka pasur mospërputhje apo gabime në administrimin e rezultatit.
Nga rinumërimi i 40 kutive të këtij qarku rezulton se kandidati i PD-ASHM Xhemal Gjunkshi i cili ka bërë edhe kërkesën ankimore ka marrë 17 vota më pak se numërimi i bërë pas zgjedhjeve të 11 majit, Përparim Spahiu (i cili doli me një mandat në 11 maj) ka marrë 49 vota më shumë, Alketa Agolli ka marrë 10 vota më pak, dhe Ismail Uka 4 vota më pak.
Sipas rezultateve të numërimit të votave të publikuara në KQZ, Xhemal Gjunkshi ka pasur 5693 vota, Përparim Spahiu kishte 5505 vota, Basir Çollaku kishte 4599 vota, Alketa Agolli kishte 1392 vota, Ismail Uka kishte 1359 vota.
Discussion about this post