Kanë kaluar më shumë se pesë orë që nga hapja e kutive dhe janë rinumëruar 40 nga 108 kuti votimi për në qarkun e Durrësit. Nga rinumërimi mësohet se LSI-ja ka rikuperuar vetëm tre vota dhe për të marrë mandatin që pretendon, i duhen edhe 103 të tjera.
Rinumërimi vijon dhe kanë mbetur edhe 68 kuti për tu hapur. Rinumërimi ka nisur që në orën 10:00, pas pranimit të kërkesës së Lëvizjes Socialiste Për Integrim, parti e cila pretendon të marrë një mandat në këtë qark.
Në total janë ngritur tetë grupe numërimi dhe mbetet për tu parë nëse LSI-ja do ta arrijë qëllimin e saj.
