Ish-anëtarja e Kryesisë së PD-së, Endira Bushati, ka dalë gjithashtu kundër vendimit të Lulzim Bashës për të organizuar zgjedhje në PD. Përmes një postimi në rrjetin social Facebook, ajo shprehet se është e turpshme që merret me këto gjëra që i takojnë dhe nuk reagon për çështje të tjera që prekin drejtpërsëdrejti qytetarët.
Sipas saj, të gjithë u habitën që Basha nuk reagoi për borxhin e lartë të qeverisë, por e lanë në qetësi duke menduar se është në zi. Ndërsa Basha, shkon dhe ndërhynë aty ku nuk i takon.
“Pikërisht këtë javë, kur të gjithë kritikët e tij, rezervoheshin për shkak të zisë familjare. LB hesht për abstenimin e PD në Parlament për borxhin 770 milionë euro….Hesht për Vendimin e Gjykatës Kushtetuese për zgjedhjet lokale të 30 qershorit….Por, gjen kohën edhe në zi për të “shkarkuar” drejtuesit e FRPD, gjoja në emër të garës. Vetëm e vetëm se Belind Këlliçi Kryetari i FRPD dhe Kryesia e FRPD mbështet Foltoren e Sali Berishas….dhe do të organizojnë të dielën takimin me të rinjtë, takimin e shpresës”, shkruan ajo.
Sipas saj, edhe njëherë Basha po shkel Statutin e FRPD. Ndërsa pak minuta më parë edhe kreu i FRPD, Belind Këlliçi u shpreh se Basha nuk ka kompetenca për një gjë të tillë. E.H/ Gijotina.com/
Discussion about this post