Ish-kryeministri Sali Berisha është shfaqur për herë të parë publikisht pas grushtit që mori në protestën e opozitës. Ai ka pritur në takim ish-presidentin e Kroacisë, Stipe Mesiç.
Berisha e informoi për aktualitetin në vend, ku nuk mbeti pa përmendur dhe sulmin që iu bë nga 31-vjeçari Gert Shehu, i cili e goditi në fytyrë më datë 6 dhjetor, në të njëjtën ditë që u mbajt Samiti i BE në Tiranë, ku ishin të pranishëm liderët më të rëndësishëm të Europës.
“I vendosën 70 kg tritol një hoteli shumë të bukur, vetëm e vetëm për ta poshtëruar atë në prag të samitit. mendonte se zhurma e samitit do ta shuante atë. Ai që më goditi është agjent i policisë kriminale dhe informator.”, tha Berisha për ish-presidentin, ndërkohë që kryetari i PD shfaqet me syze, për shkak të dëmtimit.
Discussion about this post