Pas vendimit që mori për targat, lideri i AKR Ramush Haradinaj ka kërkuar që kryeministri Albin Kurti të dëgjojë këshillat që i japin vendet mike.
Ai u shpreh se vendimi në fjalë është shkurtpamës dhe mund të ketë pasoja për Kosovën.
“Është e papranueshme kur ne u kërkojmë demokracive më të fuqishme të Botës të na ndihmojnë t’i japim fund mosmarrëveshjeve shekullore me Serbinë, dhe pikërisht kur ato janë në kulmin e angazhimit, kryeministri ynë vepron krye në veti e pa koordinim me partnerët strategjik”, shkroi Haradinaj.
Haradinaj shtoi se kryeministri Kurti duhet t’i analizojë mirë hapat e tij, dhe i kërkoi që ta rishikojë vendimin për targat.
“Kryeministri duhet t’i analizojë mirë hapat e tij dhe në këtë fazë jetike për vendin duhet të jetë në harmoni të plotë me Amerikën dhe BE-në. Andaj, i kërkoj ta rishikojë edhe vendimin për targat.
Dua të besoj se zhgënjimi i shprehur i partnerëve tanë me këtë vendim të kryeministrit, nuk do të ketë pasoja për marrëdhëniet e shkëlqyera që ka Kosova me ta”, tha ai.
Discussion about this post