Ish sekretari i Partisë Demokratike, Arben Ristani u shpreh se ardhja e Sali Berishës në krye të Partisë Demokratike, nuk has asnjë pengesë ligjore apo statutore, e gjithë çështja qëndron në vullnetit e anëtarsisë për t’a votuar atë.
“Unë do të thoja që vërtetë partitë personifikohet shpesh herë me kryetarët e tyre, por ato nuk janë të kryetarëve, por të anëtarësisë. Berisha nuk ka asnjë pengesë ligjore apo statutore për të pasur ambiciet për t’u rikthyer në krye të PD apo të bëhet kryeministër. Çështja është nëse këtë do ta votojë anëtarësia.”
Për të parë vullnetin e anëtarsisë, Ristani tha se duhet të presim mbledhjen e Kuvendit Kombëtar në 11 dhjetor, zhvillim i cili për Ristanin do të ndodhi.Sipas tij ka dy mënyra të cilat shërbejnë për mbledhjen e Kuvendit, ku një ndër to është thirrja e tij nga ¼ e anëtarësisë përmes firmave që mblidhen.Këto firma sipas Ristanin mund t;i verifikoj vet Kuvendi, procedurë e cila sipas tij ndodh në të gjithë botën.
“Sigurisht për këtë do të presim zhvillimet në PD dhe mbledhjen e Kuvendit ku do të diskutohet për këto çështje. Mund t’iu them që statuti parashikon dy rrugë të mbledhjes së kuvendit; një me organet e zgjedhura, kuvendi është një mekanizëm i lartë në hierarki. Këto mekanizma mund ta thërrasin mbledhjen e kuvendit për arsye të ndryshme. Kur anëtarësia mendon se organet nuk po e kryejnë funksionet ka dhe një rrugë tjetër që Kuvendi të vetëmblidhet. Statuti ka parashikuar që Kuvendi thirret nga ¼ e anëtarësi dhe statuti e parashikon që është po Kuvendi që verifikon firmat. Kjo ndodh në të gjithë botën”, tha Ristani.
Discussion about this post